بقلم د/حماد مسلم
كان يا ما كان في سالف العصر والزمان ولا يحلي الكلام الابذكر النبي العدنان كان في واحد من الغلمان بيحلم ان يكون عضو في البرلمان انضم لحزب من الاحزاب اتشعبط زي اللي اتشعبطوا كمان وقال اخد حته من التورته كمان ولامانع من اسافر وادرب كمان وهقبل تبرعات من جمعيات اومنظمات ومش فارق معاية اصلي الجمعه يوم التلات اسمي محمد او جرجس المهم الوصول لكرسي البرلمان شعاري يسقط يسقط حكم العسكر ده كان قبل دخول البرلمان …لون من حياته كل الالوان مبقاش تعرف له اي لون من الالوان بيأكل علي كل الموائد ومن حزب لحزب يتنقل بقي نجم وسط العميان فعلا عميان …المهم اخينا اللي بيصلي الجمعه التلات دخل البرلمان وباكتساح شوف ازاي اصوات علي اصوات العجب بقي ان اصوات الناس في دايرة العميان بتصدق انه عضو البرلمان بسم الله مشاء الله عضو في انتخابات ببتقام سره باتع وصحتك جاية علي عضوية البرلمان مشاريع وبيزنس كمان وكمان حدوته شاطرنا في بدايتها ونهايتها اللي هيكتبها الزمان وان كان في العمر بقية نشوفها ولا يبقي تتحكي للاجيال الجايه واللي يتنبأ بنهايتها يحكهنا اصل الواضح كده انه مكمل ومستمر كمان……
عزيزي القارئ السياسة اصبحت طموح للشباب وخاصة كرسي البرلمان من منا لم يشاهد فيلم للفنان عادل امام والفنانة شيرين بخيت وعديلة وكيفية وصولهم لكرسي البرلمان ومدي المكاسب التي تم جنيها من كرسي البرلمان بجانب تخليص المصالح وتسعيرة الوظائف بالطبع تلك الصورة هي احدي صور الفساد التي يتم محاربته لا ننكره ولا نعممه نعم هناك صور مشرفه تستحق الثناء ولكن للاسف الصوره القبيحة هي التي تم تصديرها لنا
….الخلاصة
الذين ينصبون انفسهم وكلاء عن الناس شاهدوا انفسكم في المرايا واشتموا رائحتكم الكريهة قرفتونا بارتدائكم ثياب الواعظين
….فيتووووو
اللي بيته من ازاز ميحدفش الناس بالتوب
