واحة الأدب

غزليه في حب مصر للشاعر عزت عبد العاطي.

كتب : عزت عبد العاطي.

أول كلامي يا بلدي

أنا بلدي

أنا موهبتي ف لساني

ومش موهوب في شئ تاني

بليد جدا في قول الشعر

ومش شاطر في كسب الود والاحساس

ولا وصف العيون الخضر

لكن لما تهل علي انسامك

يا ساكناني

باكون عاشق ومش عادي

وبانشد احلي اشعاري

وما اشبعشي ملاغيه

لإني باحب ف بلادي:

غناويها. حكاويها ..

وداعتها .

أنا يا بلادي يا غاليه ..؛

أنا اللي يحب ما يلومنيش

أنا محبوبتي مش ( ليلي )

ولا ( عزه ) ولا ( عبله )

ولا ( جولييت )

أنا محبوبتي شئ تاني ..؛

( موناليزا ) عيونها النيل

وحاجبها هرم خوفو

شوارعها .. حواريها ..

مدارسها ..

غيطان نوار ومرويه

بدم شهيد .

آخر كلامي يا بلدي

سؤال حاير :

سكنتي ازاي ف تكويني

شغلتيني وخدتيني

ما هانش عليكي لو مره

تضميني

ف عز الخوف ما موتني

ما هانش عليكي تديني

ولو لمحه

أميز بيها تكوينك

يا تكويني .

 

اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى