واحة الأدب

قصيدة ”المحرص.. مليكتي وحبي الطفولي الجميل” للشاعر عزت عبد العاطي


 

كتب : عزت عبد العاطي 

لرابع مره
بتيجي صورتك الحلوه
قصاد عيني
ـ أنا أسف ـ قصاد قلبي
وعارفه ليه
لإني مستحيل انسي
لإني مستحيل أنكر
حنان أيامك الغاليه
وأنا قاسي
لإني مستحيل أقدر
أحط الغير مكان صورتك
ولا اسمك .. ولا رسمك
فهمتي ليه : ما بانساكيش
ده رابع عيد
أكونه بعيد
ده رابع هم أنا شايله
ومش قادر أبوح بالسر
لاي صديق ولا صاحب
عرفتي ليه :
ما باقدرشي أكون خاين
عشان حبيت
عشان عاهدت أيامك
عشان صمممت أكون مخلص وحقاني
ودلوقتي .. أنا باسأل :
بتفتكري ؟
بتبكي عليا دلوقتي ولو لحظه
ومين ممكن ينسيكي
وأنا عارف مكاني فين .
عزت عبد العاطي حفني

اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى