مقالات و آراء

نقطه من اول السطر المنصوره مسحورة ولا صابتها عين الزمن

بقلم/ حماد مسلم

في الحقيقة نؤمن ان الجريمة لن تنتهي بل نعلم جيدا ان معدلها في زياده ولكن السؤال هو ايه اللي حصل للولاد والبنات وخاصة الذين هم في سن الشباب نصحي من النوم وعلي صبحية ربنا نتفاجئ بجريمة قتل بشعة تهز مصر والعالم العربي اجمع مفيش ساعات وواحد اخر بيرمي نفسه من اعلي الكوبري والبنت اللي تقتل اللي بتحبه واخر يقتل زوجته يعني قول كده مجموعة جرايم يشيب لها شعر الرأس من فين بقي ياسيدي من المنصوره مركز من مراكز محافظة الدقهلية ايه هي المحافظه والمنصوره بالذات مسكونه بعفاريت ولا واحد عامل ليها عمل للبنات والشباب ياجدعان مين يفك العمل ويبطل السحر ده العجيب في الامر تلك الجرايم البشعة التي حدثت ونتوقع حدوث حوادث غيرها يخرج علينا تجار الدين ويقولك اصل بعدنا عن الدين طب هي الهند ولا اليابان اخبار الدين عندهم ايه هو فعلا لازم نتمسك بالدين ونؤمن بالعقيده ونكون قريبين من الله نعم ونتصالح مع الله ايضا ده مطلوب ولكن علينا ان نتذكر ان كل الجرايم مش البعد عن الدين فقط ولكن هناك سلوك انساني وايضا المخدرات التي انتشرت واصبحت تباع وتشتري في عز النهار عيني عينك ومعروف تجارها وصبيانها ولكن تفعيل سياده القانون معطله لما تكون الداخلية عارفه تجار المخدرات و عامله ودن مم طين واخري من عجين هو ده ياساده الفساد بعينه مش بعد عن الدين ياعزيزي فتش عن المخدرات واضرارها علي المجتمع …بكل امانة عندما نحارب المخدرات وتجارها والقضاء علي تلك الصناعة سوف تقل الجريمة …من منا لا يتذكر رجل الدين عندما كان تحت تهديد ويخير ان يقوم بشرب الخمر او يقتل طفل او يزني بأم الطفل ظن رجل الدين ان شرب الخمر اسهل من قتل النفس او الوقوع في الفاحشه شرب الخمر فقتل الطفل لانه اراد ان يزني بالمرأة بمعني ان شرب الخمر جعلته يقتل ويزني فالمخدر اساس الجريمه فكان يجب علي كل من يخرج علينا ان يشير الي ان المخدرات هي الان التحدي الصعب وعلي وزارة الداخلية ان تحارب تجار المخدرات التي دمرت عقول الشباب وايضا لم نلتفت الي القاتل متفوق دراسيا ومتتدين علي حد قوله ان محافظ علي الصلاه ومن رمي نفسه من وعلي الكوبري موجود له صور وهي يؤدي فريضة الحج…المخدرات ياساده وتجارها يطورون صناعتهم لجذب الشباب لضرب الاقتصاد وعماد الدوله علي اي حال نحن في حاجه الي ان نعود الي الله ولكن ايضا يجب علينا ان نعيش في مجتمع خالي من المخدرات

….الخلاصة

المخدرات مصدر لكل الجرائم

….فيتووووو

لكل من يتستر علي فاسد

اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى