كتب / صموئيل العشاي
لما تيجي تتابع المشوار الفني ل أحمد عيد هتلاقي إنه قدم أعمال فنية مهمة جدا في السينما المصرية آخر ٢٠ سنة وناقش فيها العديد من القضايا والأفكار المهمة ..
_ الكبت الجنسي في ( فيلم ثقافي ، خليك في حالك )
_ قضية الشعوب العربية تحت الإحتلال في “ليلة سقوط بغداد”
_ التطرف الفكري والأخلاقي للشباب في “انا مش معاهم”
_ فكرة البطولات الوهمية في “رامي الإعتصامي”
_ ثورة يناير بكل تفاصيلها في فيلمه المظلوم “حظ سعيد”
_ نقد التباين الفج ما بين مصر والدول المتقدمة في “ياباني أصلي”
بالإضافة لدة قدم أدوار كوميدية لايت في أعمال زي ( أزمة سكر ، أفريكانو ، إوعي وشك ، شورت وفانلة وكاب ) والإيفيه كان بيطلع منه بمنتهي التلقائية وعدم التكليف أو التصنع في كوميديته ..
المميز إنه مكانش بيقدم خطب ومواعظ بشكل مباشر في أفلامه وفي نفس الوقت كانت فكرة الفيلم بتتقدم بشكل بسيط وسلس ..
