بقلم / ا.د. فتحي الشرقاوي
أستاذ علم النفس جامعة عين شمس.
ممكن تحطيلي الأكل في طقم الاركوبال …
اللي موجود في النيش..لأ..النيش ده علشان الضيوف..
طيب ممكن تديني معلقه من الطقم الالماني للشوك والسكاكين..
الموجود في درج النيش.لأ…النيش ده علشان الضيوف..
طيب ممكن تناوليني كاس..من الكاسات الكريستال الفرنسية..
المترصص بقاله سنين في اللي مايتسماش النيش .
اتطفح فيه شويه ميه أو عصير…لأ…النيش ده علشان الضيوف
طيب ممكن تديني فوطه…من الموجوده في النيش
لأ.. النيش ده علشان الضيوف.طيب ممكن لما نيجي نتغدا..
تطلعي طقم البايركس المدهب…علشان نتطفح فيه..انا والعيال
لأ..الحاجات دي اللي في النيش للضيوف
ويفضل لغز النيش… على الحال ده لحد مالعيال تكبر وتتجوز..
وكمان يخلفوا ومحدش يقدر يقرب من النيش ده ..
كأنه قدس الأقداس..وسر الأسرار و تمر السنين ويفضل النيش..
زي ماهو. …ولو حسبت كام مره النيش ده بيتفتح…
هتلاقي مره كل سنه..وتحديدا يوم واحد في رمضان..
انا شخصيا..مابسألش حد باخد قراري على طول واروح فاتح..
النيش واطلع أجمل حاجه تقع عليها عيني.
أكواب ،كاسات ،أطباق ،شوك، سكاكين فوط…فناجيل….
أي حاجه و استخدمها
السؤال
مين اللي اقنعنا أن النيش باللي فيه من المحرمات على أهل البيت
وحلال للضيوف
السؤال التاني…
هو الضيف اللي هيطفح في الحاجات الموجوده في النيش ده.
أحسن وأفضل مني ومن ولادي في ايه
كفايه بقى مظهره وفشخره كدابه…
افتحوا النيش واستمتعوا بكل اللي فيه كلوا على السفرة وماتخافوش واللي يتكسر هاتوا غيره…و و و خليك محضر خير .
. " دعوات المقاطعة" نظرا لزيادة اسعار الاسماك نادى البعض منا بمقاطعة الشراء كمحاولة للسيطرة على اسعارها في السوق المصري…
ما قاله العالم " موريس آلياس " Allais Maurice وهو اقتصادي فرنسي حصل على نوبل عام 1988 " النظام…
كتب/احمد عبد الوهاب لم نتذوق فرحة العيد او نشعر ببهجته، صحيح ان في القلب غصة لما يحدث في غزة. لكننا…
كتب / طارق تغيان ظهر بمدينة لوس أنجلوس في عيد الفطر السعيد نجمين من نجوم الفن وذلك بمناسبة عيد الفطر…
بيان من المتحدث الرسمي لوزارة الصحة بخصوص تسريب بيانات ٨٥ مليون مواطن مصري. اوضحت وزارة الصحة المصرية في بيان للمتحدث…
خُلقنا لهدف ان نتحمل مسؤولية إعمار الأرض حيث استخلفنا الله عليها ومع مرور الزمان نسينا المهمة التي خُلقنا من أجلها…