كتب : عزت عبد العاطي
ما بين سمارك والشجن
تاهت حكايتي الميته
و ” الشعر تاجي “
نسجته من ريش النعام
ويا اخضرار الصبح والغيمه
خايف اواجهك بالحكايه الميته
ما تصدقيش صوت الضمير
ولا تعرفيش معني العدم
الأرض ف عنيكي
انكسار الصبح والسكته
والموج بياخد ف الضفاير
من زمن
وانا وحدي ناوي ابقي كده
زي ابتهاجك ع المراعي
وانفتاحك ع الوجع
موالي .. ؛
ساعة توهه مكسوره عقاربها
ومرايا تعكس صورتك الميمونه
ف عنيا
مش طالب اكتر من جرآتك
وانضمامك للغنا
” يمكن عشان مغمور بغنيوتك
اقدر علي فرد الجناح التناني
واتبسم “
