بقلم د/حماد مسلم
سألوني ليه بتحبها وليه بتعشقها وبتموت فيها كده قولتلهم وليه محبهاش واموت فيها واعشقها بصراحة ، بحس براحة في حبها بعشق كلامها وحواديتها وبعشق غناها، وياسلام علي روحها ازاي محبهاش ، وهي كل حواسي بسمعها وقت مابتغني بسمعها وقت ماتتألم وبسمعها وهي بتنادي وبشوفها اجمل صورة وانقي قلب حنينه ايوه حنينة طيبة ايوه طيبة بس اياك من شرها لما بتغضب حبيبتي ايوه بتغضب وغضبها وحش حبتها ولسه حبها مالي قلبي بعشقها وقت الشده وبعشقها وقت الفرح ايام كتير بحس اني غريب في حضنها بحس بأمان بحس اني ضايع اسمع نداها الاقي نفسي من تاني بحبها وبموت فيها وبعشقها ودمي كله منها حتي روحي ايوه ليها هو ازاي اعيش من غيرها بصراحة من غيرها مليش قيمه عارفين بحبها ليه مش هقول لون شعرها اصفر ولا عيونها خضرا ولا هقول علشان عندها املاك من اكتر من سبع الاف سنه عندها الامان كله بحس براحة اه ممكن اكون عايش معها وهي جوايه من حوالينا حاجات تعكر الدم بس في حاجات تاني كتير تروق الدم ممكن مش كل الايام حلوه بس لازم يكون جنب الحلو المر علشان اعرف احس بطعم الحلو والمر وممكن الاقي ده وده بس اللي متأكد منه اني بحبها وبموت فيها وبعشقها بلدي ارض الحضارات مهد الانبياء والله تجلي فيها ارضها طاهرة ناسها طيبين جنودها مش خاينين اهلها هما حراسها واللي حارسها الله رب العالمين وقال في كتابه ادخلوها بسلام امنيين عرفتوه ليه بحبها وعرفتوا ليه بعشقها وبموت فيها ولا لسه مش عارفين بحبها لاننا ياساده مينفعش احب غيرها و لا نعيش لاجئين بحبك يا بلدي ممكن تكوني اه تعبانه شويه بس برده شايفك ام الدنيا هو في احن من الام ولا اجمل من الام علشان كده هقول مصر هي امي نيلها هو دمي شمسها في سماري حتي لوني قمحي ….تحيا مصر ..تحيا مصر …نعم هناك الملايين من يعشقون هذا البلد الامين وهناك ايادي وسواعد بتبني وضربة فاس في الارض وناس شقيانين وفي ناس من الراحة تعبانين بس بلدي بحبها وبعشقها وبموت فيها بحبها لما احكي الماضي بحبها لما بشوف عزيمتها و بفرح لما اسمع عن مستقبلها مصر جت ايوه جت وكلها خطوه والحلم يتحقق مصر جايه علشان ولادنا الشقيانين بلدنا جايه غصب عنكم يامشككين والله بحبها مش بطبل ليها بس بحبها علشان ديني وعقيدتي جوايه بيحسوني علي الانتماء مصر مش حفنة تراب مصر وطن نعيش فيه ويعيش فينا عرفتوا ليه بحبها
….الخلاصة
مصر ام الدنيا وهتبقي هي كل الدنيا
….فيتووووو
تحيا مصر
