اختارها لكم / ابوبكر احمد
اخترت لكم مشهد من فيلم غزل البنات انتاج عام ١٩٤٩ وهو من اخراج انور وجدي وتاليف نجيب الريحانى وضم الفيلم كوكبة من نجوم الفيلم قلما يجتمعوا فى فيلم واحد من امثال محمد عبدالوهاب ويوسف وهبى وليلى مراد وعبد الوارث عسر وهند رستم كومبارس صامت.تم اختيار هذا الفيلم كتاسع أفضل مائة فيلم فى تاريخ السينما المصرية.
وقد اخترت مشهد عبقري من الفيلم بين نجيب الريحانى (حمام افندى مدرس اللغة العربية) وسيلمان باشا نجيب (الباشا)
يدخل الباشا على حمام افندى ويسأله انت جاى تعمل ايه ؟ فيرد حمام افندى بإرتباك انه قادم للتدريس لبنت السلطان يقصد الباشا
الباشا: انت المدرس الجديد
حمام:ايوه انا المدرس الجديد
الباشا: وشايف نفسك ضليع فى قواعد اللغة العربية؟ فى اصول اللغة العربية؟
حمام: ايوه زى ماانت ضليع فى قواعد الجرجير واصول البقدونس والفجل الرومى
الباشا:لا انت كمان باين عليك مسحوب من لسانك
حمام :وانت باين عليك رغاى وغلباوى .انت جاى تمتحنى ؟انت جناينى
الباشا:من غير ما امتحنك حتى شكلك مش باين عليه لا دروس ولا علوم ولا حاجه خالص
حمام:وانت يعنى شكلك صلاة النبى باين عليك مانجه وسبايط موز وعناقيد عنب
الباشا منفعلا:يامرزوق افندى تعالى هنا جايب الراجل ده منين ؟
وهنا يكتشف حمام افندى ان الجناينى هو الباشا وان حلم الوظيفه ضاع.
وبهذا الفيلم استطاع الريحانى “الضاحك الباكى ” ان يتربع على عرش كوميديا الموقف فى السينما المصرية حتى هذه اللحظة ببساطته ونبره صوته المنكسرة وملامحه الساخرة الحزينة وان يشكل مدرسة فى التمثيل لواحد من عباقرة كوميديا السينما
