قراء اون لاين

نقطة ومن اول السطر الدور على مين؟؟

بقلم د/حماد مسلم
منذ اندلاع الفوضي وتجار الاكاذيب اصل الكذب بقي تجارة والهوس واللوثه اصبحت وطنية وبنوزع الشهادة وكمان الشجاعة بخلاف الصفات الصامد وياسلام بقا لما تكون رمز للصمود وكمان شوية فلفل او توابل كده قول الشرعية واول رئيس منتخب واول رئيس مدني وحامي الحما والباقين عملاء لليهود وياسلام كمان يطلع اي حد معارض لتلك الفصيل تبدأ الادعاءات بأنه من اصل يهودي امه يهوديه ارقام تجعلك تندهش وتضرب كف علي كف هو معقول في كده وبعدين تجد كل الارقام خطأ زي خمسه وعشرين من يناير قالوا ثورة وطلعت فوضي وقالوا الثلاثون من يونيو انقلاب وطلعت ثورة وزي ماقالوا الترعة وطشت وجدي غنيم وطلعت قناة جديدة وزي ماقالوا حاجات كتير وطلعت كلها مجرد احلام قالوا اخر الانبياء بصراحة الواحد مش قادر هو مبارك فعلا في رصيده سبعين مليار دولار في بنوك سوسيرا ولا الواحد مش واخد باله ولا البرسيم مغشوش نهيك عن اللي في الهيصة والزيطة راكبين وعلي كل الموائد جالسين وايدهم ملطخة بدم وبالدولار ياسيدي شغالين وكمان ايه هما بقوا المعارضه شوف الحال اتقلب ازاي والعملية بقت شغبطه والحالة بتتقلب اللي واقف علي الحدود وحامل السلاح ليدافع عن وطنه كافر وابن كلب واللي بيخون واللي بيحرض علي القتل واللي عنده الوطن حفنه من التراب بقي شهيد (يااخي …..) بالذمه الواحد يقول ايه نشمت احنا مش بنشمت احنا بنحب بلدنا ولا يهمنا فصيل وفصيل بلاش الافوره دي ونكبر الموضوع والزيطه اللي دايره بلاش علشان تجارة الكذب بقت لها ريحة عفنه بلدنا محتاجه كل شبابها من كل الاطياف مش محتاجه خاينين وعلي البسطاء كاذبين وللدين تجار شاطرين علي اي حال حسبي الله ونعم الوكيل علي كل ظالم لبلده ولاهل بلده ويستغل الدين لجذب بسطاء الامة لخراب وتدمير الاوطان في ليبيا والجزائر والسودان واليمن وسوريا…..تعالوا نشغبط ونقول الدور علي مين …عزيزي القاريء ملامح مصر بتتغير للافضل نعم مصر ام الدنيا وهتبقي كل الدنيا حجم الانجازات تجعلنا نتفائل ونفتح ابواب الخير التي باتت واضحه واجابة السؤال الدور جاي علي المجرمين الذين لوثوا ايديهم بدماء المصرين الاعدام اصبح واجب النفاذ بلاش زيطه كدابه من مهاويس الشرعيه وغزوة الصناديق.

اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى