متابعة /اسلام احمد
لاعب اخوه متوفي من يومين
بيلعب المباراه
الفرقة مش في يومها وشايلة 5
جمهور بيشتم اللاعب ويسبه وكانه سبب الهزيمه
جمهور الاتحاد سقطة في تاريخك
الجمهور محتاج يفهم ان دي رياضة ويوم ليك ويوم عليك
برشلونه نفسه شال 8 قبل كده
يعني اللاعب يخرج منهار ويبكي وانت بتخلص عليه في ظروف صعبة اهو سابلك الملعب شجع بقي
كرة القدم طول عمرها لعبه بتفرحنا كتير وبنسعد ونفرح واحنا بنشجع فريقنا وايا” كان أي فريق بشجعة ببقا في ظهرة في الخسارة قبل المكسب والجماهير الحقيقية الي تقف في ظهر لاعبيها وتدعمهم مش الي تغلط وتشتم وتكسر نفس
و رساله لكابتن احمد يحيي ..
انت حارس كبير وبتلعب لنادي عريق وده حاجه مش اي حد يوصلها بسهوله بلاش يكون ايمانك بالله وبنفسك ضعيف بسبب كام عيل ملهمش لازمه فاقدين الانسانية، بايدك تخلي الموقف ده نقطة تحول في مشوارك مع الكورة وتثبت للكل انك حارس كبير ؛وحتة انك تلعب في الظروف دي وتراعي اكل عيشك في وقت حزنك وقهرتك علي اخوك ده شئ يثبت انك انسان بتراعي ربنا في اكل عيشك بالنسبة لناس كتير هي مجرد لعبة بالنسبالك انت هي مستقبل وحياة ولقمة عيش واكيد قرار اعتزالك ده مجرد قرار ف لحظة غضب وضعف ونتمنى ليك كل التوفيق ف المباريات القادمة.
وربنا يرحم اخوك ويغفر له وكلنا ف ضهرك.
