كتب / لؤي الخطيب

مع المشاكل و الازمات الاقتصادية في العالم كله لازم تعرف ان مستوى الدخل مش قرار الدولة مستوى الدخل بيتحدد حسب إنتاج المجتمع..

أمريكا بتبيع جوجل وفيس بوك وفورد وأبل وكنتاكي وماك وحاجات تانية كتير، فالصادرات فوق الـ2 تريليون دولار والناتج الإجمالي فوق الـ20 تريليون..

انت هنا لسه بتاخد أول خطوات في طريق التنمية الحقيقية، أعلى رقم صادرات حققته كان 45 مليار دولار والناتج المحلي حوالي نص تريليون دولار بعد الزيادات الكبيرة اللي حصلت آخر كام سنة..

دخل المواطن الأمريكي سببه إنتاجه اللي دي أرقامه

ودخلنا سببه إنتاجنا اللي دي أرقامه

حصل تطور ضخم خلال السنين اللي فاتت لكن لسه الطريق طويل، وصدقني مفيش حد مسؤول عن مستوى الدخل غيرنا كمجتمع..

ده إنتاجنا وواقعنا، لا حكومة ولا رئيس ينفع يقرروا لوحدهم كده إن مستوى الدخل يبقى أد المواطن الأمريكي ولا الكندي وإلا ماكنش حد غلب..

أنا بقولك الكلام ده علشان تركز على المهم، تركز على الحاجة اللي تزود دخلك ودخل المجتمع، فكرة واحدة ممكن تخلي دولة تتنقل في حته تانية.. نوكيا في وقت من الأوقات كانت هي اللي شايلة الاقتصاد الفنلندي كله..

التركيز في المفيد، أهم ألف مرة من التركيز على مظلومية مش حقيقية.